到左11月,終於的起心肝做一直以黎都好想做既事→打返blog.
自從xanga收左皮到而家,我開始既時候都仲係天真咁覺得xanga係會開返比大家用
之不過,呢個願望從來都冇成真,返而我將想打blog既慾望無限放大,到左最後都係放棄xanga。
事先聲明,我係真心想用返xanga,就算要比錢我都唔介意,但係我連想比錢都冇得比,係既,有時d野就係咁,唔個下做既話,機會過左就唔會返轉頭。
NVM,咁我而家咪當重新黎過囉.
講真,我屋企入面都唔知收埋左幾多本日記,但係入面全部都係得個幾頁係有寫過野,
其他都係空白既。所以自問都唔明點解會咁有心機去打一篇又一篇。
之前都講過,寧願去鍾意1個人都唔想係空白。2013年初,有去玩塔羅牌,講就話今年11月會有拖拍,到左12月已經係拍緊。
係,11月係未過,但係到左今日,我都仲未見到有咩人。
唔係既,應該係算有既,不過就同塔羅牌既講有出入,佢係我同學,可能我本身個人就係咁,梗係鍾意1d幽默感既人。
當我鐘左個頭埋去,個人就會變得神化,會冇啦啦唔開心,仲會好似個變態咁走去loop人地既事,幾時生日,咩星座,幾多年,大我幾多,星座特性…..之類。
好多時,都會好討厭呢個自己,做好多野都係吃力不討好,可能到左最後又係嚇到人地走佬。
又話女追男隔重紗,事實上只有正常女仔先會有呢d機會出現,而叫做令既女仔已經可以進化到係企係到都可以吸到仔過去,咁仲洗咩佢地去追??
我而家個人真心係灰,因為已經自我厭惡到一個地步,唔知,到咩時候先可以有返個我鍾意既人做我男朋友,唔係我唔想追男仔,
而係…都唔識點追。
有時人生呢d野,就係咁。
