March 10, 2011
-
其實唔係第一次去做PROJECT.
不過今次算係第一次認真咁去做PROJECT.
第一次做GROUP LEADER.
原來真係好多野要學,好多野要做.
自問自己唔算得上係一個好盡責既leader.
但係有咩事上黎,我都係好樂意同大家負擔呢一切.
我地組唔可以收收埋埋.就係因為收收埋埋.
好多野大家都唔知對方既諗法.
結果面臨既就係內鬨.然後就正中lam姐既下懷.
呢1場戰爭唔易打.唔係是但做完個2件野就收貨走人.
我地要既唔係呢d野.而係要係呢個過程之中學習.
唔單只要係第時出黎做野上面有得著.就算係我地同學,朋友之間既相處.
都要有變化.呢場戰爭.考驗我地能力既同時.考驗埋我地既EQ!加油喇!!!各位努力在戰鬥既戰士們!!
我係媽媽既心目中.永遠都係一個小朋友.
第一次做野.第一次出糧.
佢仲比我黎得緊張.的得開心.
最近.佢仲心血來潮.係公司寫(打)左封信比我.
內容係一d令人覺得肉麻到死既野.
就算我係升降機入面打開左.都唔敢睇.
但係返到屋企.就一路睇一路喊.
原來我呢個媽媽真係好可愛.
唔明白爸爸點解會唔了解到佢既好.
其實媽媽好容易受傷.好容易喊.
正一係個喊飽.
原來我唔會成日喊既原因.
係因為我既眼淚全部都係媽媽喊晒lu.
d人話我同我媽媽既角色係掉轉晒.
我係媽媽.我媽媽先係女兒.
我唔介意.我唔介意媽媽做我既女兒.
因為媽媽做我女兒既話.我會盡我能力比最大既幸福佢.
令佢唔好再受苦.
咁佢既眼淚就可以流返小d喇.真想不到當初我們也討厭吃苦瓜
今天竟吃得出那睿智愈來愈記掛
開始時捱一些苦 栽種絕處的花
幸得艱辛的引路甜蜜不致太寡
