January 24, 2011

•  

  今日收到呀爹既來電.本以為係提我記得做節個D野.
  點知.原來係打黎問我介唔介意佢帶佢老婆出席.
  講真.唔介意就假.但係點解我把口就好快答"介意咩?"
  覺得自己真係好扮野.可以咁自然做得-_-'''
  但係真係好想問佢一句.係咪我介意個個人就唔會出現?
  不過.自問自己對於父母上既野黎講.真係幾唔公平.
  點解我會支持呀媽去識男人.點解就會介意呀爸結婚?
  跟本就唔合理.

  講起公平.諗返起以前.
  我同呀爸去影貼紙相.就會令到呀媽喊.
  什至唔睬我一個月.
  呀媽話我唔公平WO.點解對個衰呀爸咁好.
  可能呀媽覺得我對佢唔好.
  但自問.我花係呀媽上面既心思唔係一個鐘可以數得清.
  我個時唔覺得自己有錯.就算而家都唔覺.

  唔知點解自己對好多野都提唔起勁.
  唔好講做PROJECT.呢D功課野就一定唔會有心機架喇.
  但係就連打機我都唔想打.
  真係覺得自己好癈柴.
  連玩都唔想玩.
  做人仲有咩意思?
  個腦永遠都係到諗做咩好做咩好.
  但係身體同個腦都唔係同步.
  成日係屋企叫悶.
  但係自己又唔肯約人.
  真係抵自己死.

  望下個手機.冇信息.冇人搵.
  冇人打黎.
  有時都覺得要部手機都唔知做咩.
  難得有電話.TAYLOR唱歌了.
  一聽.推銷.頂.
  真係失望到爆.

   

   

   

   

   

  月黑　風高　雨低
  你突然　講起　身世
  共你一起很久那位
  剛生了男孩　竟將你漏低
  你說已對這裡失望
  更概嘆你儲錢無方
  給你　再次結婚有望
  亦未必快樂　我說別再講

  • 7:25 am
  • 2 Comments